Samhaldsfasti Arbeiðsmarknaðar-eftirlønargrunnurin – eisini stytt AMEG ella Samhaldsfasti, er ein arbeiðsmarknaðargrunnur, ið løntakarar og arbeiðsgevarar rinda til – hvør rindar 2,50% inn í grunnin. Samhaldsfasti var settur á stovn í 1991, og er í dag eitt munagott ískoyti til pensjónina.

Stýrið fyri Arbeiðsmarknaðareftirlønargrunnin samtykt í mai 2018 at hækka eftirlønina úr grunninum við 400 kr. um mánaðin í 2018 soleiðis, at útgjaldið í 2018 verður 4.145 + 400 kr., tað er 4.545 kr. um mánaðin.

 

Samtak heldur, at Samhaldsfasti átti at verið styrktur, og at bæði inn- og útgjøld skulu hækkað.

Eisini metir Samtak tað vera rætt, at Samhaldsfasti gerst partur av einum arbeiðsmarknaðardepli, sum vónandi skjótt verður settur á stovn.

Georg F. Hansen, formaður í Føroya Arbeiðarafelag, umboðar løntakarafeløgini í stýrinum fyri Samhaldsfasta og  Annfin V. Hansen er formaður í stýrinum.