Í desember 2017 gjørdi Løgtingið broytingar í lógini um barsilsskipanina, galdandi frá 1. januar 2018. Størsta broytingin er, at barsilstíðin verður longd 2 vikur. Aðrar broytingar eru eisini, m.a. verður eftirløn løgd aftur at barsilspengunum eftir 1. mars 2018.

Vanliga barsilstíðin er 46 vikur eftir barnsburð. Tað er ymiskt, hvussu nógv verður goldið út í barsilspeningi frá barsilsskipanini, hetta tíðarskeiðið. Barsilspeningurin er 100 % av útrokningargrundarlagnum, men barsilspeningurin frá barsilskipanini kann ongantíð vera meiri enn 25.000 kr. um mánaðin. Allir mánar verða roknaðir við 30 døgum og eftirløn verður rinda afturat barsilspengunum. Eftirlønargjald verður løgt aftur at barsilsútgjaldinum. Eftirlønin fylgir eftirlønarlógini og hettar merkir, at eftirlønin veksur 1 % um ári til eftirlønin er 15% í 2029. Eftirlønin er 4% í 2018. Allir løntakarar, ið fáa barsilspening, rinda samstundis frítíðarløn.

Útrokningargrundarlagið fyri útgjaldinum verður í høvuðsheitum roknað eftir miðal A-inntøkuni seinastu 12 mánaðirnar áðrenn barsilsfarloyvið byrjar.

Tó eru nøkur undantøk:
Partvís í arbeiði í farloyvistíðarskeiðnum, les nærri her >
Nýsett í starv undan farloyvinum, les nærri her >

Útrokningargrundarlagið verður bert roknað út einaferð fyri barsilsfarloyvið.